呢款黑金版 iPhone 6s，同太空灰版完全唔同，首先係機背真係完全黑色，而非太空灰嘅黑灰色；而機背頂及底兩條帶，就由灰色變為白色，係全黑色機背上面，真係幾型。據官方表示，要做到呢款黑金機背，廠方需要連續 8 小時，以超過 10 個不同階段嘅製作工序，先做到呢款世上極罕嘅 iPhone 6s 機背。而銠呢種金屬本身就係極罕有金屬，而且製作過程中要以最適當比例，混合銠及 24K 金兩種金屬，仲要調整製造此表面時嘅電流，全部都係好困難嘅工序，所以採用佢做嘅 iPhone 6s 機背自然價值連城。此外，所有機背均會加入一種特別塗層，令表面更加耐用。 
咁呢款機背究竟幾錢？據官方表示黑金版售價為 4,200 萬越南盾（約 HK$14,478）至 5,500 萬越南盾（約 HK$18,959）不等，視乎買家需要嘅 iPhone 6s 容量。雖然未至於天價，但買部手機要成皮半到接近兩皮，唔知大家又會唔會考慮入手呢？ 
沒有留言 :
張貼留言