iReserve 搶機 9 大貼士 【周六 6am 開】爭分奪秒速買 iPhone 6s

iReserve 又嚟喇！Apple 今日開始正式推出 iPhone 6s 同 iPhone 6s Plus，唔知大家攞到你嘅新機未呢？就算未買到都唔駛擔心，Apple 將會在明天早上 6 點開放 iPhone 6s 同 6s Plus 嘅 iReserve，大家可以聽朝再搶過。要成功在 iReserve 搶機，就要同時間競賽，名副其實係「快人一步，理想達到」。ezone.hk 就同大家分享幾個可以令你快人一步嘅 iReserve 搶機 tips 啦！ 1. Bookmark 定 iReserve 網址 呢個可以話係每年搶機嘅指定動作啊，Bookmark 定 iReserve 網址，點都可以快人幾秒嘅。 日期：9 月 26 日 時間：早上 6:00 網址：https://reserve.cdn-apple.com/HK/zh_HK/reserve/iPhone/availability 2. 同時開多個唔同 Browser 大家可以同時打開幾個唔同瀏覽器，Chrome、Firefox、Safari、IE 等等，等佢地鬥快。而且要一個 Screen 顯示晒咁多個瀏覽器，即時望實邊個瀏覽器 load 得最快。 3. 清除 Cookies 每次瀏覽網頁 Browser 都會自動記錄一些瀏覽資料，這些瀏覽資料有機會令瀏覽器開啟網頁時變慢，所以用 iReserve 前先清除瀏覽資料就能夠讓 Browser 在最佳狀態幫你搶機啦。 4. 整理 Apple ID iReserve 需要登入 Apple ID，在清理 Cookies 後，先開啟 Apple Store 網頁登入一次先，等瀏覽器記住你嘅 Apple ID，正式用 iReserve 時，就可以節省重新輸入賬號嘅時間喇。 5. 用香港身份證登記 雖然 Apple 嘅 iReserve 開放俾全世界，有證件就得，唔一定要用香港身份證先登記到，但係非香港身份證需要填寫多一個步驟，所以想快人一步就要揀「香港身份證」去登記喇。 6. 唔理大細楷、括號 身份證號碼相信大家都記得，唔駛攞住張證對住嚟打，但記得輸入 ID no. 嘅時候唔駛理大細楷，亦都唔駛打括號，不過就要輸入括號入面嘅內容啊。 7. 電腦手機並用 雖然一般情況下用手機搶機會較慢，但多一部機一齊搶就係多一個機會，好彩嘅話就可以直接收埋 SMS 一部機搞掂晒。 8. 「神號」唔駛等 SMS 今年 iReserve 有部分 Apple ID 能夠跳過 SMS 驗證。Apple 會根據數據分析用家嘅「忠誠度」，符合特定準則就可以無需經過 SMS，能直接進行 iReserve。雖然 Apple 冇公佈過，但經測試後發現大概有幾個準則，包括註冊日期，即係睇 Apple ID 用咗幾耐、活躍度、同有冇於 Apple Online Store 消費過。這類「神號」有錢都買唔到，不過大家可以進入其他地區嘅 iReserve 進行測試，如果登入後跳過 SMS 驗證頁面就代表你擁有「神號」喇。 9. 改定 Apple ID 密碼有著數 玩 iReserve 要用 Apple ID，自然就要輸入 Apple ID 的密碼吧！不過，假如閣下已有很長時間沒有使用 Apple ID，而密碼的「保安程度」較低，例如只用 5 個簡單數字或字母組成，那麼於 iReserve 登入 Apple ID 帳戶時，系統有機會要求閣下即時更改密碼，藉以進入下一個 iReserve 步驟。萬一不幸要改密碼，隨時浪費以分鐘計的時間。因此，建議用戶預先把 Apple ID 的密碼，設定成保安度較高的組合。