Apple 專門店賣改裝 iPhone？ 高登巴打疑 IFC 舖中招！報消委會求助

如有人問你：「邊度買 iPhone 最穩陣？」相信 ezone.hk 記者和大部份用戶都會答：「當然係去官方 Apple Store」。不過，最近有高登網民於 IFC Apple Store 買到部「疑似」改裝 iPhone 6，最後更要報消委會救助。 唔 Check 機就出事 高登網民「春風吹又伸」於高登手機台出文，話於 9 月 11 日去 IFC Apple Store 購入一部 iPhone 6 64GB 金色。「春風吹又伸」表示由於信任 Apple，故未有現場無封就離開，由於要換 NanoSIM 卡，故他要到第二日正式開機使用，但卻發現 Mon 位右上角個有少少崩。 新機改裝過！？ 「春風吹又伸」立刻聯絡 Apple 要求更換，職員指需先作檢查，故他將手機帶回 Apple 維修部。經過近兩個鐘的等待後，Apple 職員最後竟話此機改裝過，所以無得換！ 「春風吹又伸」當然唔順氣，因部機連原裝保護貼都未除，何來改裝過之理！？Apple Store 經理出場都未能解決 ，只是重申部機內部有改裝過，所以無得換，更堅持 Apple Store 唔會賣翻新機。最後，「春風吹又伸」堅持要見負責檢查的職員，職員表示機內有不屬於 Apple 的零件，同時原裝封條也損毀。 向消委會投訴 「春風吹又伸」懷疑 Apple Sore 賣假機或檢查的職員有問題，故只有報警救助，但警察到場後只建議他向消委會投訴。最後，「春風吹又伸」只能向消委會投訴，並認為這此事件嚴重，除要求換新機之外，更希望與 Apple 高層直接對話，並揚言一日未解決，一日都唔會放棄。 ezone.hk 記者就此事向蘋果查詢，暫未獲得回應。如有官方回應，記者會在此第一時間跟進。 - See more at: http://www.e-zone.com.hk/channelnews.php?id=8875#sthash.eg0XD6JF.dpuf
更多詳情: http://www.appletrade.net/apple-%e5%b0%88%e9%96%80%e5%ba%97%e8%b3%a3%e6%94%b9%e8%a3%9d-iphone%ef%bc%9f-%e9%ab%98%e7%99%bb%e5%b7%b4%e6%89%93%e7%96%91-ifc-%e8%88%96%e4%b8%ad%e6%8b%9b%ef%bc%81%e5%a0%b1%e6%b6%88%e5%a7%94%e6%9c%83/