iPhone 6s 上台 Plan 總表【齊集 6 電訊商】計盡各台出機總成本

iPhone 6s 上台出機 Plan 已經出爐喇！iPhone 6s 及 iPhone 6s Plus 已經正式發布，並於 9 月 12 日於 Apple Online Store 以網購及 iReserve 預留方式預售。想買 iPhone 6s 或 iPhone 6s Plus，除以上途徑，還可到各大電訊商上台出機。3HK、數碼通、1010、CSL、中移動及今年才加入戰場的聯通，已先後推出 iPhone 6s 上台 Plan，全部都係簽約 24 個月，月費計劃各異，部分亦有特色。ezone.hk 將各台 iPhone 6s 及 iPhone 6s Plus 出機 Plan 一次過檢視，再用同一格式製作月費表，並計算出機總成本，以及跟 Apple iPhone 6s 及 iPhone 6s 定價的作比較，方便讀者慢慢參考。下表先列出 iPhone 6s 及 iPhone 6s Plus 各型號的官方定價。 （注意：以下表格由 ezone.hk 根據各大電訊商的官方網站資料製作，本站已盡力確保資料準確，惟資料只供參考，一切以電訊商公布的資料為準。此外，各電訊商提供的 iPhone 6s 及 iPhone 6s Plus 月費上台計劃，均受條款及細則約束，詳情請瀏覽各大電訊商的官方網站。） 想一頁過睇晒 6 個台嘅上台出機 Plan 總表，請即【按此睇 iPhone 6s 出機 Plan 總表】！分享俾親朋戚友，一條 link 就得喇！ 1010：iPhone 6s / iPhone 6s Plus 上台 Plan 短評：1010 特色係乜？當然就係尊貴啦！最高月費未連行政費等都要 $697，而且都係得 10GB 數據。計完總成本，發覺最貴個 plan，買 16GB iPhone 6s，1010 會賺得最多，整個出機總成本比 iPhone 6s 原價高出 $12,508！不過咁，唔少客仔都對 1010 網絡有信心，如果係自用，都可以考慮。另外，$467 月費或以上計劃，送你睇流動睇 nowTV 英超台一季。 3HK：iPhone 6s / iPhone 6s Plus 上台 Plan 短評：去年 3HK 個 iPhone 6 及 iPhone 6 Plus 上台 plan 都幾抵，出機總成本比原價高出三千多至七千多元不等，唔少炒機都出機轉售圖利。不過今年 3HK 推出 iPhone 6s 及 iPhone 6s Plus，似乎「食水」深咗少少，最平個月費計劃，出機總成本都要比原價高出 $4,112。不過，3HK 勝在 $0 機價出機的門檻較低，$408 月費就可以 $0 機價帶走 16GB iPhone 6s。雖然話「食水」比去年多，但其實 3HK 不少型號的出機總成本，仍然較 1010、csl. 及數碼通等對手為低呢！ CSL：iPhone 6s / iPhone 6s Plus 上台 Plan 短評：收費比同系的 1010 略平，同樣係指定月費計劃會送你睇一季流動  nowTV 英超球賽。值得一提的是，csl. 及 1010 今年的 iPhone 6s 及 iPhone 6s Plus 上台出機計劃，無論係月費、通話分鐘、數據量、出機總成本等，都跟去年 iPhone 6 及 iPhone 6 Plus 計劃完全相同。 中移動：iPhone 6s / iPhone 6s Plus 上台 Plan 短評：中移動今年 iPhone 6s 及 iPhone 6s Plus 月費計劃，收費跟去年相若，不過部分 Plan 就增加了數據使用量，對真正用家來說算實用。炒機呢？中移動月費計劃中，不少型號的出機總成本，均比其餘電訊商為低，最入門的 16GB iPhone 6s，出機總成本僅比原價高出三千多元。不過，究竟幾時先出到機，絕對係關鍵！炒家們又會否去中移動出機然後「劏機」呢？ 數碼通：iPhone 6s / iPhone 6s Plus 上台 Plan 短評：基本月費跟去年一樣，但增值服務收費提高了幾蚊，令出機總成本比去年出 iPhone 6 略高。如果閣下屬於高用量用家，可以選擇最高月費的計劃，出機成本比其他電訊商的「高用量」計劃為低。 聯通：iPhone 6s / iPhone 6s Plus 上台 Plan 短評：聯通「賣點」係本地上網用 3G 網絡！正呀喂！不過，如果真係出機炒，個月費計劃係咩內容，似乎都唔多重要。聯通另一個真正賣點，係設有「大中華」計劃，數據可以在中港澳台四地共享共用，即使是「本地」收月費計劃，都送少量中國數據俾你，對於經常中港兩邊走的人士來說 ，頗有用from: e-zone