6s貨源足 網民驚「炒燶」嗌Cut單

大屏幕的6s plus受蘋果迷追棒，下午接受預訂最為搶手，開賣不久已被一掃而空。然而6s在傍晚仍能成功預訂，有網友擔心今次未必「炒得起」，紛紛揚言「CUT單」。     iPhone 6s plus的全部型號最快售罄，就連iReserve預約的限額亦爆滿。反觀6s貨源至今仍然充足，在開賣後近四小時登入蘋果官方網頁仍可訂購，包括最搶手的玫瑰金色，與過往預訂瘋狂掃貨情況大相逕庭。     不少網友擔心今次炒風未及以往激烈，猶疑是否應該取消已預計6s的訂單，指「今次好多人都訂到……」、「大機遲送都唔驚，細機要cut」、「想問點cut單」等。     有網友分析指，今次iReserve預約與網上預訂同步進行，令訂購難度降低。不過，亦有網友認為可到內地放機賺差價，「雖然都擔心會炒窿，但睇返國內版同香港版，仲有個差價嚮度…就算遲返貨，都仲係有機會賺到錢」。
更多詳情: http://www.appletrade.net/6s%e8%b2%a8%e6%ba%90%e8%b6%b3-%e7%b6%b2%e6%b0%91%e9%a9%9a%e3%80%8c%e7%82%92%e7%87%b6%e3%80%8d%e5%97%8ccut%e5%96%ae/